Uitvoerende Opsomming
- Die fokus van hierdie appelproef was vruggehalte en verbeterde grondgesondheid.
- Tydens die tweede plantsapevaluering in Desember 2020 het die twee Humefert -behandelings, Ampli Cal en AminoFix-3000™ , die Ca-vlakke van die blaarsteelsap met 2.7% en die Ca-vlakke van die vrugtesap met 7.8% verhoog. Die Humefert -behandelings het die K- en S-vlakke in die vrugte met onderskeidelik 22.4% en 10.7% verhoog. Hierdie toename is ook in die blaarsteelsap waargeneem. Vanuit ‘n spoorelement-oogpunt het die Humefert -behandelings ook die B-, Fe- en Mn-vlakke in beide die blaarstele en vrugtesap verhoog.
- Tydens die derde plantsapevaluering in Januarie 2021 het die Humefert -behandelings 25% meer Ca in die blaarstele en 20% meer Ca in die vrugtesap tot gevolg gehad. Die Humefert -behandeling het weereens die K-vlakke verhoog, hierdie keer met 21.1% in die vrugtesap.
- In die Brookside-analise van April 2021 het die Humefert -behandeling die hoër grondgesondheidtelling gehad as gevolg van hoër grondrespirasievlakke, meer water-ekstraheerbare organiese stikstof, en ‘n optimale C:N-verhouding in die grond. In dieselfde analise was die beraamde biologiese N 36 kg/ha in die Humefert -behandeling, in vergelyking met 1 kg/ha in die kontrole. Daar was ‘n beduidende toename in Ca-vlakke in die grond, sowel as ‘n gunstiger Ca:Mg-verhouding en ‘n hoër Ca-katioonpersentasie.
- Alhoewel min verskille in die brix- en elektriese geleidingsvermoë in die vrugte waargeneem is, was daar ‘n beduidende toename in Ca-, S- en K-vlakke in die vrugtesap in die Humefert -behandeling. Dit behoort vrugtekwaliteit te bevorder deur beter selwandintegriteit, gewasverdraagsaamheid teenoor osmotiese stres, verbeterde rakleeftyd, produksie van bioflavonoïede, en verbeterde vrugtesmaak en -kleur.
- Die Humefert -behandelings het ook die Brookside-grondgesondheidsgradering aansienlik verhoog. Die Humefert Brookside-ontledings het onder andere ‘n hoër en meer aktiewe grondmikrobiese status, ‘n groter organiese stikstofreservoir, en beter nutriëntbeskikbaarheid en kationverhoudings in die risosfeer bevestig.
Lees die volledige artikel
