Uitvoerende Opsomming
- Die verskillende plantsapontledings het ‘n verhoogde nutriëntstatus in die Humefert-behandeling aangedui. Dit is ondersteun deur ‘n hoër elektriese geleidingsvermoë in die vrugtesap en in die wortelsonegrond in hierdie behandeling.
- Van vroeg in die seisoen af het die Humefert-behandeling ‘n beter vars en droë wortelgewig gehad. Die droë wortelgewig was dikwels aansienlik hoër in die Humefert-behandeling. In die winterevaluerings was daar ook ‘n aansienlike toename in kroondikte in hierdie behandeling. Tydens die Oktober- en Desember-evaluerings is ‘n beduidende verskil in die wortelgesondheid telling en die aantal fyn wortels ten gunste van die Humefert-behandeling waargeneem.
- Vanaf Augustus 2024 was daar ‘n merkbare verskil in die vrugkwaliteit ten gunste van die Humefert-behandeling. Die vrugte het ‘n beter algehele rooi kleur, hoër vrugte-droëmassa en ‘n eenvormige vorm gehad. Hierdie tendens het voortgeduur tot in Oktober. In die Oktober-raklewe-toets was 38% van die Kontrole-vrugte nie bemarkbaar nie as gevolg van Botrytis en bakteriële sagtevrot-infeksie, vergeleke met 16% in die Humefert-behandeling.
- In die finale evaluasie in Desember 2024 (ongeveer 4 weke vanaf die einde van die oes), was die blare in die Humefert-behandeling sagter met minder basnekrose en tip-brand. Die plante in hierdie behandeling het ook goeie laat groeikrag getoon, met ekstra blare wat in die krone ontwikkel het. Dit is gewoonlik ‘n aanduiding van ‘n gesonde wortelomgewing en meer plantbeskikbare energie wat die gewas ondersteun tydens abiotiese somer stresstoestande.
- In die finale Nvirotek grondonleding het die Kontrolebehandeling ‘n laer grondvoedingstofstatus, hoër digtheid en ‘n beduidend laer aggregaatstabiliteit gehad. Alhoewel die Solvita grondrespirasietoets aangedui het dat beide behandelings ‘n ‘tipies hoë biologiese grond’ met sterk N-mineralisasiepotensiaal is, was die aktiewe koolstofkonsentrasie, standaard koolstof % en die grondorganiese stof % beduidend hoër in die Humefert-behandeling.
- Die Humefert-behandeling het gelei tot ‘n hoër vars en droë vrugtegewig dwarsdeur die seisoen. Alhoewel hierdie vrugtegewigte gefluktueer het tussen die drie proef-oesdatums (19 Julie, 15 Augustus en 1 Oktober), was die gemiddelde vars vrugtegewigverhoging 8.27% en die gemiddelde droë vrugtegewig was 3.67% hoër